Mon seul plaisir
G. Dufay
Mon seul plaisir, ma doulce joye,
La maistresse de mon espoir,
J'ay tel desir de vous veoir
Que dire ne le vous saroye.
Helas, panses que ne pourroye
Nesun bien sans vous recevoir,
Mon seul plaisir, ma doulce joye,
La maistresse de mon espoir.
Car, quant desplaisir me guerroye
Souventes fois de son povoir,
Et je vueil reconfort avoir,
Esperance vers vous j'envoye.
Mon seul plaisir, ma doulce joye,
La maistresse de mon espoir,
J'ay tel desir de vous veoir
Que dire ne le vous saroye.