Nuper rosarum flores

Nuper rosarum flores

Ex dono pontificis

Hieme licet horrida

Tibi, virgo coelica,

Pie et sancte deditum

Grandis templum machinae

Condecorarunt perpetim.

Hodie vicarius

Jesu Christi et Petri

Successor Eugenius

Hoc idem amplissimum

Sacris templum manibus

Sanctisque liquoribus

Consecrare dignatus est.

Igitur, alma parens

Nati tui et filia,

Virgo decus virginum,

Tuus te Florentiae

Devotus orat populus,

Ut qui mente et corpore

Mundo quicquam exorarit

Oratione tua

Cruciatus et meritis

tui secundum carnem

Nati domini sui

Grata beneficia

Veniamque reatum

Accipere mereatur.

Amen.