Or pleust a Dieu qu'a son plaisir

Or pleust a Dieu qu'a son plaisir,

Tant que vivray, puisse servir

Ma tres gente dame et maistresse.

Mon bien, m'amour et ma richesse,

Par qui je puis vivre et morir.

Porroyt il jamais advenir

Qu'elle se voulsist consentir

De mettre mez plains en liesse!

Or pleust [a Dieu qu'a son plaisir,

Tant que vivray, puisse servir

Ma tres gente dame et maistresse.]

Hellas, se la puisse veir

Toute fois que je la desir,

Jamais au cuer n'aray tristesse.

Maulgré Dangier, qui tant me blesse,

Ne me ferroye que resjouir.

Or pleust a Dieu [qu'a son plaisir,

Tant que vivray, puisse servir

Ma tres gente dame et maistresse.

Mon bien, m'amour et ma richesse,

Par qui je puis vivre et morir.]