Par le regard de vos beaux yeux

Par le regard de vos beaux yeux

Et de vo maintien bel et gent

A vous, belle, vien humblement

Moy presenter vostre amoureux.

De vostre amour sui desireux

Et mon vouloir tout s'y consent

Par le regard [de vos beaux yeux

Et de vo maintien bel et gent.]

Or vous plaise, cuer gracieux,

Moy retenir or a present

Pour vostre amy entierement,

Et je seray vostre en tous lieux.

Par le regard [de vos beaux yeux

Et de vo maintien bel et gent

A vous, belle, vien humblement

Moy presenter vostre amoureux.]