Pouray je avoir vostre mercy?

Pouray je avoir vostre mercy?

Ma belle dame, je vous pry

Ce jour de l'annee presente.

Vous semble il que soye en la sente?

Par vostre doulchour pensés y.

Et supposé qu'il soit ainsy

Que cuer, corps et tous bien aussy

A l'estrinne je vous presente,

Pouray [je avoir vostre mercy?

Ma belle dame, je vous pry

Ce jour de l'annee presente.]

Loyalment je vous ay servy

A mon povoir jusques a cy,

Au mains que bon loyer en sente;

Ainchois que de vous je m'absente,

Dattes moy de non ou de sy,

Pouray je avoir vostre mercy?

[Ma belle dame, je vous pry

Ce jour de l'annee presente.

Vous semble il que soye en la sente?

Par vostre doulchour pensés y.]