Puisque vous estez campieur

Puisque vous estez campieur,

Voulentiers a vous campiroye,

A savoir moy, se je pourroye

A vous, pour estre bon pieur.

Et si vous estez sapieur,

Contre vous aussi sapiroye.

Puisque [vous estez campieur,

Voulentiers a vous campiroye.]

Vous me cuidez maulvais pieur,

Mais pour troys pos bien les piroye,

Vrayment, ou je me tapiroye

Comme du monde le pieur.

Puisque [vous estez campieur,

Voulentiers a vous campiroye,

A savoir moy, se je pourroye

A vous, pour estre bon pieur.]