Salve flos Tusce gentis

triplum

Salve flos Tusce gentis, Florentia, salve,

O salve, Italici gloria magna soli,

Salve, que doctos felix

Tot mater alumnos,

Tot generas magnos consilia atque fide,

Quae tot praestantes mire

Integritudine gignis,

Quae tot praestantes religione viros,

Salve, cui debet quodcumque

Est artis honestae

Ingenii quicquid quicquid

Et eloquii est.

Salve, quae fama totum diffusa per orbem

Et vehis et natos mittis ad astra tuos.

Nunc cecini et gratis voces

Placuere canore,

Praemia, mercedes nec petiere simul.

Fessus ego haud cantu,

Vos en defessa canendo,

Sed tu carminibus vive canenda meis!

Motetus

Vos nunc, Etrusce iubar, salvete puellae.

Sic sedet hoc animo

Nec sine amore moror.

Stant foribus Nymphis similes, stant

Naiades utque

Aut ut Amazonides aut procidives Venus.

Fervet in amplexus atque

Oscula dulcia quisque;

Si semel has viderit, captus amore cadet.

Ista, deae mundi, vester per saecula cuncta,

Guillermus cecini natus et ipse Fay.