Se ma dame je puis veir

Se ma dame je puis veir

Le primier jour de ceste annee,

D'un bon jour sera estrinee

Pour vraye amour entretenir.

Cuer, corps et biens luy vueil offrir

Sans quelque vilaine pensee,

Se [ma dame je puis veir

Le primier jour de ceste annee.]

Et se je ne la puis choisir,

Qu'elle soit trop fort enseree,

Je l'aray bien pour escusee,

Mais g'y pouray bien pourveir.

Se ma dame [je puis veir

Le primier jour de ceste annee,

D'un bon jour sera estrinee

Pour vraye amour entretenir.]