Vasilissa, ergo gaude

Vasilissa, ergo gaude,

Quia es digna omni laude,

Cleophe, clara gestis

A tuis de Malatestis,

In Italia principibus

Magnis et nobilibus!

Ex tuo viro clarior,

Quia cunctis est nobilior:

Romeorum est despotus,

Quem colit mundus totus;

In porphyro est genitus,

A deo missus coelitus.

Juvenili aetate pollens

Et formositate volens,

Multum genio fecunda

Et utraque lingua facunda

Ac clarior es virtutibus

Prae aliis his omnibus.