Vo regard et doulce maniere

Vo regard et doulce maniere

Me tiennent en si dur party,

Que brief de dueil seray party,

Se vous n'exaulcez ma priere.

Mieulx m'eust valu gesir en biere,

Quant premierement je choisy.

Vo regard [et doulce maniere

Me tiennent en si dur party.]

Car plus voy vostre belle chere

Dont nature vous a party,

Tant plus suis dolent et marry,

Quant du tout m'avez mis arriere.

Vo regard [et doulce maniere

Me tiennent en si dur party,

Que brief de dueil seray party,

Se vous n'exaulcez ma priere.]