Orbis patrator optime
G. Jackson
Orbis patrator optime
qui, quidquid est, potentia
magna creasti, nec regis
minore providentia.
Adesto supplicantium
tibi reorum coetui,
lucisque sub crepusculum
lucem novam da mentibus.
Tuusque nobis Angelus,
signatus ad custodiam,
hic adsit, a contagio
qui criminum nos protegat.
Deo Patri sit gloria,
qui, quos redemit Filius,
et Sanctus unxit Spiritus,
per Angelos custodiat. Amen.