Quant j'ay l'espart
G. Machaut
Quant j'ay l'espart
De vo regart,
Dame d'onnour,
Son dous espart
En moy espart
Toute douçour.
Car main et tart
M'esprent son dart
De fine amour -
Quant j'ay l'espart
De vo regart,
Dame d'onnour, -
Et me regart
D'un ris qui m'art.
Mais celle ardour
Par son dous art
De moy depart
Toute dolour.
Quant j'ay l'espart
De vo regart,
Dame d'onnour,
Son dous espart
En moy espart
Toute douçour.