Un i will an' Ma'!

Und i will an' Ma',

und i möcht' an' Ma',

und an sotta Ma' möcht' i,

wo me liab au' hat,

wo me geara hat,

und i bleib' net ledig, i!

Doch i bin so klei',

o, so arg, arg klei',

und i glaub', i krieg' halt koi'n!

O du liaber Gott!

O du großer Gott!

Und i möcht' so gearan oi'n!

Und d'Frau Muatter sait:

"Liab's Kind, sei g'scheit!

Guck, du bist zwar klei', 's ist wohr!

Aber des, mei' Sex,

macht koi' bisle nex.

Noi', noi', do hat's koi' G'fohr!

Sei oi's noh so klei',

als ma' klei' ka' sei',

liab's Kind, auf dera Welt

ist's mit oi's, zwoi, drei

viel größer glei'

auf 'ma rechta Stumpa Geld!"