Gin a body meet a body

Gin a body meet a body

Comin' thro' the rye,

Gin a body kiss a body,

Need a body cry?

Ilka lassie has her laddie,

Nane they say ha'e I;

Yet a' the lads they smile to me,

When comin' thro' the rye.

Gin a body meet a body

Comin' frae the well,

Gin a body kiss a body,

Need a body tell?

Ilka lassie has her laddie,

Ne'er a ane ha'e I;

But a' the lads they smile on me,

When comin' thro' the rye.

Gin a body meet a body

Comin' frae the toun,

Gin a body greet a body,

Need a body gloom?

Ilka lassie has her laddie,

Nane they say ha'e I;

But a' the lads they lo'e me weel,

And what the waur am I?