Ballade

Prinsessa ho vilde på gullhorpa slå,

langt upp i vene fjøli.

Der vilde ho alt upp i sjønune nå.

Med toner av sylv mot det natthimle blå

synger det mjukt upp i fjøli.

Prinsessa ho spelar på gullhorpa ho,

langt upp i ville fjøli.

Det bivrar i bringa so sårt eit ljod.

Dei tonar av slv vert til tonar av blod,

som klagande syng over fjøli.

Rådlaus prinsessa på gullhorpa slær,

langt upp i svarte fjøli.

Stormande toner mot himmelen skjer.

Av brestande strengjer og blødande sår,

skrik det no villt upp i fjøli.