The Queen's Epicedium

Incassum Lesbia, incassum rogas,

Lyra mea, mens est immodulata;

Terrarum orbe lachrymarum pleno,

Dolorum pleno,

Rogita tu cantilenam?

En nymphas! En pastores!

Caput omne reclinat

Juncorum instar!

Admodum fletur;

Nec Galatea canit,

Nec ludit Tityrus agris;

Non curant oves,

Moerore perditi.

Regina, heu!

Arcadiae regina periit!

O! damnum non exprimendum!

Non suspiriis, non gementibus imis,

Pectoris aut queruli

Singultu turbido.

Miseros, Arcades!

O quam lugentes!

Suorum gaudium oculorum, mirum

Abiit, nunquam, O nunquam reversurum!

Stella sua fixa

Coelum ultra lucet.