Je ne suis variable, et si ne veux apprendre

Je ne suis variable, et si ne veux aprendre

(Desja grison) à l'estr' aussi ce n'est qu'émoy:

Je ne dy pas si Jan' estoit prise de moy,

Que bientost n'oubliasse et Marie et Cassandre.

Je ne suis pas celuy qui veux Paris reprendre

D'avoir manqué si tost à Pegasis de foy,

Plus-tost que d'accuser ce jeune enfant de Roy

D'estre trop inconstant, je voudrois le defendre.

Il fist bien, il fist bien, de ravir cett' Helene,

Cette Helene qui fut de tant de beauté pleine

Que du grand Jupiter on la disoit enfant.

L'homme train' en son cors un'ame malheureuse,

Quand il trouve son mieux si son mieux il ne prent,

Sans languir tant au sein d'une vieill' amoureuse.