Las je me meurs, las je me meurs, cruelle

Las je me meurs, las je me meurs, cruelle:

Autre que toy sauver ne me pourroit:

Sauve moy donc, quel bien t'arriveroit

Si je mourroy par ta coulpe, o rebelle:

Laisser mourir de façon telle

Celuy qu'un rien de la mort recouvroit,

Ton serviteur celuy qui ne mourroit

Si ton Amour ne luy estoit mortelle:

Donne moy donc ce bien:

Qui ne laira pource moins d'estre tien

Bien que de gré ta grace me le donne,

Tout tien je suis et si fort n'est à toy

Ce qui est tien que ce qui est à moy

Seras-tu chiche à ta propre personne.