Qui au conseil des malins n'a esté

Qui au conseil des malins n'a esté,

Qui n'est au trac des pecheurs arresté,

Qui des moqueurs au banc place n'a prise,

Mais nuict et jour la Loy contemple et prise

De l'Eternel, et en est desireux

Certainement cestuy-là est heureux,

Et semblera un arbre grand et beau

Planté au long d'un clair courant ruisseau,

Et qui son fruict en sa saison apporte

Duquel aussi la feuille ne chet morte:

Si qu'un tel homme, et tout ce qu'il fera

Tousjours heureux et prospere sera.