Nos salvans

Nos salvans, o nos salvans,

Sön chës munts, sön chi bi plans,

Sot chi crëp, pro chi bogn rüs,

Te chi bosc nia ofenüs,

Stunse a goder le bel dé,

Viva, viva la liberté!

Nos sun resc de nüsc paîsc,

Düć i tiers y les raîsc

Crësc por sagns y amarês,

Dai festidi delibrês

Stunse a goder le bel dé,

Viva, viva la liberté!

Tëma no co dai dlaciuns;

Le dinvern dai gran freduns

Ne conësc l'ardì ponsier:

Desfidënn al monn entier,

Stunse a goder le bel dé,

Viva, viva la liberté!