Todol-os días

Mostrando os fillos o bo camiño,

A man na esteva, lañar o chan,

Tódolos dias coidando o niño

gañar o pan.

A alma en lume, bicado e cheo

por unha homilde, sagra emoción,

tódolos días erguer o ceo

unha oración.

O por vir vive na saudade,

semente de oxe, fror de mañan;

Tódolos dias unha inquedade,

un novo afan.

Dereito e limpo nos pensamentos

no amor a terra no corazón,

Tódolos dias ceibar os ventos

unha canción.

Tódolos días gañar o pan,

Tódolos dias unha oración,

Tódolos diás un novo afan,

Tódolos dias unha canción.