Vous perdez temps de me dire mal d'elle
J. Guyot
Vous perdez temps de me dire mal d'elle,
Gens qui voulez divertir mon entente:
Plus la blasmez, plus je la trouve belle,
S'esbahit-on si tant je m'en contente?
La fleur de sa jeunesse,
A vostre advis rien n'est ce?
N'est ce rien que ses graces?
Cessez vos grands audaces,
Car mon amour vaincra vostre mesdire:
Tel en mesdict qui pour soy la desire.