Fy let's a' to the bridal

'Tis nae very lang sinsyne

That I had a lad o' my ain;

But now he's awa' to anither,

And left me a' my lane.

The lass he's courting has siller,

And I hae nane at a';

'Tis nought but the love of the tocher

That's tane my lad awa'.

But I wish they were buckled together,

And may they live happy for life;

Tho' Willie does slight me, and's left me,

The chield he deserves a good wife.

But, O! I'm blyth that I've miss'd him,

As blythe as I weel can be;

For ane that's sae keen o' the siller

Will ne'er agree wi' me.

Contentment is better than riches,

And he wha has that has enough;

The master is seldom sae happy

As Robin that drives the plough.

But if a young lad wou'd cast up,

To make me a partner for life,

If the chield has the sense to be happy,

He'll fa' on his feet for a wife.