Lassie wi' the gowden hair

Lassie wi' the gowden hair,

Silken snood, and face sae fair;

Lassie wi' the yellow hair,

Think-na to deceive me.

Lassie wi' the gowden hair,

Flattering smile, and face sae fair,

Fare ye weel! for never mair

Johnnie will believe ye.

Oh, no! Mary Bawn, Mary Bawn, Mary Bawn;

Oh, no! Mary Bawn, ye'll nae mair deceive me.

Mary saw him turn to part;

Deep his words sank in her heart;

Soon the tears began to start,

"Johnnie, will ye leave me?"

Soon the tears began to start,

Grit and gritter grew his heart;

"Yet a word before we part,

Love could ne'er deceive ye."

Oh, no! Johnnie doo, Johnnie doo, Johnnie doo;

Oh, no! Johnnie doo -- love could ne'er deceive ye.

Johnnie took a parting keek;

Saw the tears drap o'er her cheek;

Pale she stood, but couldna speak --

Mary's cured o' smiling.

Johnnie took anither keek --

Beauty's rose has left her cheek;

Pale she stands, and canna speak --

This is nae beguiling.

Oh, no! Mary Bawn, Mary Bawn, dear Mary Bawn;

Oh, no! Mary Bawn -- love has nae beguiling.