Lewie Gordon
Haydn, Joseph
O send Lewie Gordon hame,
And the lad I winna name!
Though his back be at the wa',
Here's to him that's far awa'.
O hon, my Highlandman!
O my bonny Highlandman!
Weel would I my true love ken,
Amang ten thousand Highlandmen.
O to see his tartan trews,
Bonnet blue, and laigh-heel'd shoes,
Philabeg aboon his knee,
That's the lad that I'll gang wi'.
O hon, my Highlandman!
O my bonny Highlandman!
Weel would I my true love ken,
Amang ten thousand Highlandmen.
O to see this princely one,
Seated on a royal throne!
Disasters a' would disappear;
Then begins the jub'lee year.
O hon, my Highlandman!
O my bonny Highlandman!
Weel would I my true love ken,
Amang ten thousand Highlandmen.