Lizae Baillie

"My bonny Lizae Baillie,

I'll row ye in my plaidie,

And ye maun gang alang wi' me,

And be a Highland lady."

Now she's cast aff her bonny shoen,

Made o' the gilded leather,

And she's put on her Highland brogues,

To skip amang the heather.

And she's cast aff her bonny gown,

Made o' the silk and sattin,

And she's put on a tartan plaid,

To row amang the braken.

She wad nae ha'e a Lawland laird,

Nor be an English lady,

But she wad gang wi' Duncan Graeme,

And row her in his plaidie.