My ain kind deary, O!

Will ye gang o'er the lee rigg,

My ain kind deary, O!

And cuddle there sae kindly

Wi' me, my kind deary, O!

At thornie dyke and birken tree,

We'll daff, and ne'er be weary, O!

They'll scug ill een frae you and me,

My ain kind deary, O!

Nae herds, wi' kent or colly there,

Shall ever come to fear ye, O!

But lav'rocks, whistling in the air,

Shall woo, like me, their deary, O!

While others herd their lambs and ewes,

And toil for warld's gear, my jo,

Upon the lee my pleasure grows,

Wi' you, my kind deary, O!