Robin is my only jo

Robin is my only jo,

Robin has the art to loo,

So to his suit I mean to bow,

Because I ken he loo's me.

Happy, happy was the shower,

That led me to his birken bower,

Where first of love I fand the power,

And ken'd that Robin loo'd me.

He's tall and sonsy, frank and free,

Loo'd by a', and dear to me,

Wi' him I'd live, wi' him I'd die,

Because my Robin loo's me.

My titty Mary said to me,

Our courtship but a joke wad be,

And I, e'er lang, be made to see,

That Robin didna loo me.

But little kens she what has been

Me and my honest Rob between;

And in his wooing, O sae keen

Kind Robin is that loo's me!

Then fly, ye lazy hours, away,

And hasten on the happy day,

When "Join your hands," Mess John shall say,

And mak' him mine that loo's me!