Roy's wife

Roy's wife of Alldivalloch,

Wat ye how she cheated me

As I came o'er the braes of Balloch?

She vow'd, she swore she wad be mine;

She said she lo'ed me best of ony.

But oh! the fickle, faithless quean,

She's ta'en the carle and left her Johnie.

Roy's wife, &c.

O she was a canty quean!

Well could she dance the Highland walloch;

How happy I, had she been mine,

Or I'd been Roy of Alldivalloch.

Roy's wife, &c.

Her hair sae fair, her een sae clear,

Her wee bit mou' so sweet and bonnie;

To me she ever will be dear,

Tho' she's for ever left her Johnie.

Roy's wife, &c.