The silken snood

Oh! I hae lost my silken snood,

That tied my hair sae yellow;

I've gi'en my heart to the lad I loo'd,

He was a gallant fellow.

And twine it weel, my bonny dow,

And twine it weel, the plaiden,

The lassie lost her silken snood

In pu'ing of the bracken.

But he has left the lass he loo'd,

His ain true love forsaken,

Which gars me sair to greet the snood

I lost amang the bracken.

And twine it weel, my bonny dow,

And twine it weel, the plaiden,

The lassie lost her silken snood

In pu'ing of the bracken.