The waefu' heart

Gin living worth could win my heart,

You wou'd na speak in vain;

But in the darksome grave it's laid,

Ne'er, ne'er to rise again.

My waefu' heart lies low wi' his,

Whose heart was only mine;

And oh! what a heart was that to lose!

But I maun no repine.

Yet oh! gin heav'n, in mercy, soon

Would grant the boon I crave,

And take this life, now naething worth,

Sin Jamie's in his grave.

And see, his gentle spirit comes

To shew me on my way,

Surprised, nae doubt, I still am here,

Sair wond'ring at my stay.

I come, I come, my Jamie dear,

And oh! wi' what gude will!

I follow wheresoe'er you lead,

Ye canna lead to ill.

She said, and soon a deadlie pale

Her faded cheek possest;

Her waefu' heart forgot to beat,

Her sorrows sunk to rest!