Widow are ye wakin'?

"O! wha's that at my chamber door?"

"Fair widow are ye wakin'?"

"Auld carle, your suit give o'er,

"Your love lies a' in tawkin';

"Gie me a lad that's young and tight,

"Sweet like an April meadow;

"'Tis sic as he can bless the sight

"And bosom of a widow!"

"O! widow, wilt thou let me in?

"I'm pawky, wise, and thrifty;

"And come of a right gentle kin,

"I'm little mair than fifty."

"Daft carle, dit your mouth;

"What signifies how pawky,

"Or gentle born ye be -- but troth,

"In love ye're but a gawky."

"Then, widow, let those guineas speak,

"That powerfully plead clinkan;

"And if they fail, my mouth I'll steek,

"And nae mair love will think on."

"These court indeed, I maun confess,

"I think they mak' you young, sir;

"An' ten times better can express

"Affection, than your tongue, sir."