Madrigal

Si jamais fut un Paradis en Terre,

Là où tu es, là est-il sans mentir;

Mais tel pourroit en toy Paradis querre

Qui ne viendroit fors à peine sentir:

Non toutesfois, qu'il s'en doibt repentir,

Car heureux est qui souffre pour tel bien.

Donque celuy que tu aymerois bien,

Et qui receu seroit en si bel estre,

Que seroit-il? Certes je n'en say rien,

Fors qu'il seroit ce que je voudrois estre.