Les biens dont vous estes la dame (Rondel)

Les biens dont vous estes la dame

Ont mon cueur si tres-fort espris

Qu'il feust mort, s'il n'eust entrepris

De vous aymer plus que nul ame.

Quant à moy, point je ne l'en blasme,

Pource qu'ilz ont de tous le pris

Les biens dont vous estes la dame.

De ce qu'il fault que je vous ayme,

Je sçay trop bien que j'ay mespris;

Mais qui en doit estre repris?

Non pas moy. Qui donc? Sur mon ame,

Les biens dont vous estes la dame.