Ringerl und Röserl

I hab amal a Ringerl kriagt

von meiner Herzensdirn,

und i hab ihr a Röserl geb'n,

wia's halt im Summer blüah'n.

Sie hat des Röserl voller Freud

in ihr Betbüacherl g'legt,

und i, i hab des Ringerl mir

um mein' klan' Finger g'steckt.

Drauf ham mir uns gar zärtli' küsst

und das Verspechen geb'n,

dass mir uns herzli' liab'n woll'n

durch's ganze Erdnleb'n.

'S war no nöt ganz a Jahr vabei,

war's Röserl nimmer rot,

und 's Dianderl, des mei All is g'west,

war ob'n bein liab'n Gott!

Und eh's no g'storb'n is, hat's g'sagt,

geh, wan dir d'Aug'n nöt aus,

mir wer'n uns ja bald wiederseg'n

dort ob'n im Vaterhaus,

und kummst du h'rauf ins Himmelreich,

am Ring erkenn i di,

und an dein Röserl an mein' Herz,

an dem erkennst du mi!