Fors seulement

Fors seulement contre ce qu'ay promis

Entre tous lieux seray fors entremis

Et acquerray une belle alliance

J'en ai desir voyre de mon enfance

Point ne vouldroye avoir nulz ennemys

Mon vouloir j'ay tout en cela soubmys

Et hors de la ja ne serai transmis

Garder je veul ordre sens et prudence

Fors seulement contre ce qu'ay promis

Entre tous lieux seray fors entremis

Et acquerray une belle alliance

Je cuide avair en terre des amys

Et qu'en eulx ay ma fiance remys

On doit scavoir que n'ay nulle doubtance

Ou aultrement querroye ma deffiance

Car je seroye de tout honneur desmys

Fors seulement contre ce qu'ay promis

Entre tous lieux seray fors entremis

Et acquerray une belle alliance

J'en ai desir voyre de mon enfance

Point ne vouldroye avoir nulz ennemys