Will Ye No' Come Back Again?

Bonnie Charlie's now awa'

Safely owre the friendly main;

Mony a heart will break in twa,

Should he ne'er come back again.

Will ye no come back again?

Better lo'ed ye canna be,

Will ye no come back again?

Ye trusted in your Hieland men,

They trusted you, dear Charlie.

They kent your hidin' in the glen,

Your cleadin was but barely.

English bribes were aa in vain,

An e'en tho puirer we may be;

Siller canna buy the heart

That beats aye for thine and thee.

Sweet's the laverock's note and lang,

Lilting wildly up the glen;

But aye to me he sings ae sang,

Will ye no come back again?