Ascending into Heaven

Sion me receptet illa

Sion, David urbs tranquilla

Cujus faber auctor lucis

Cujus portae lignum crucis

Cujus claves lingua Petri

Cujus cives semper laeti

Cujus muri lapis vivus

Cujus custos rex festivus.

In hac odor implens caelos,

In hac festum semper melos.

Urbs caelestis, urbs beata

Super petram collocata

Urbs in portu satis tuto

De longuino te saluto

Te saluto, te suspiro

Te affecto, te requiro

Quantum tui gratulentur

Quam festive conviventur

Quis affectus eos stringat

Aut quae gemma muros pingat

Quis chalcedon, quis jacinthus

Norunt illi qui sunt intus.

In plateis hujus urbis

Sociatus piis turbis

Cum Moyse et Elia

Pium cantem Alleluia