Tristitia
Jan Novák
In lectulo quaero meo,
amore cuius langueo.
querorque, cordi quod meo
carum videre non queo.
quid cesso? surgo, semitas
percurro, qua stat civitas.
querorque, cordi quod meo
carum videre non queo.
vidistis inquam vos eum,
quem deperit pectus meum?
vos dico, quorum moenia
haec tuta sunt custodia.
at ecce cum dicto meo,
amore cuius langueo,
adest et ad matrem meam
mecum venit, ne maeream.