Retrowange novelle
Jaque de Cambrai
Retrowange novelle,
Dirai et bone et belle
De la virge pucelle,
Ke meire est et ancelle
Celui ki de sa chair belle
Nos ait raicheteit
Et ki trestous nos apelle
A sa grant clairteit.
Ce nos dist Isaïe
En une profesie:
D une verge delgie,
De Jessé espanie,
Istroit flors per signorie
De tres grant biaulteit.
Or est bien la profesie
Torneie a verteit.
Celle verge delgie
Est la virge Marie;
La flor nos senefie,
De ceu ne douteis mie,
Jhesu Crist, ki la haichie
En la croix sousfri.
Fut por randre ceaus en vie
Ki ierent peri.