Que dis tu, que fais tu, pensive

Que dis tu, que fais tu, pensive,

Dessus cest' arbre sec? Las, passant je lamente.

Hé pourquoy, di le moy? De ma compaingne absente,

Plus chiere que ma vie. En quelle part est elle?

Un cruel oyseleur, par glueuse cautelle

L'a prinse, et l'a tueé: je chante

Son trespas, nommant la mort mechante

Qu'elle ne m'a tuée avecques ma fidelle.

Voudrois tu bien mourir avecques ta compaingne?

Ouy, car aussi bien je languis en douleur,

Et tousjours le regretz de sa mort m'accompaingne.

O gentils oyselets,

Qu'heureux est vostre coeur

Qui, sans point varier, est tousjours amoureux.