Bitte an den Mond

Du Mond, i hätt' a Bitt' an di,

Die därfst mer aber nit versag'n,

O geh' und laß mi auf a Nacht

Dein silbern's G'wandel trag'n.

I möcht' so gern durch's Fensterlein

Zum lieben Schätzerl eini schaug'n,

Und mir amol was z'Gute tun

An ihre blaue Aug'n.

I möcht' ihr nur a Busserl drauf

Aufs gute rote Bakkerl geb'n,

Und mit dem Busserl gäb' i ihr

Mein Herzerl und mein Leb'n.

Und wenn zu früh am Firmament

Die Sunne geht hoch auf in d'Höh,

In ihre blaue Augerle,

Da tät i untergeh!