Faute d'argent

Faute d'argent, c'est douleur nompareille,

Si je le dis, las! je sais bien pour quoi:

Sans de quibus il se faut tenir coi,

Le temps le doit, ce n'est pas merveille.

Mes compagnons, a tous je vous conseille

Que ne prenez femme s'el n'a de quoy.

Raison pourquoi? las, je la vous diray:

Femme qui dort pour argen on l'éveille.

Je suis aymé d'une fille tant belle,

Je l'ayme bien aussi fait elle moy.

Marry je suis quant point je ne la voy,

En ce pays n'en y a point d'autelle.

Se povre suis, ce n'est pas de merveille,

Car mon argent g'ya ay tout despendu.

Il ne m'en chault, je n'ay pas tout perdu:

Car j'ay acquis vostre amour non pareille.