Huc me sydereo/Plangent eum

Huc me sydereo descendere jussit Olimpo

hic me crudeli vulnere fixit amor.

Langueo nec quisquam nostro succurrit amori

quem nequeunt dure frangere jura crucis.

Pungentem capiti Dominum gestare coronam

fortis amor docuit verbera tanta pati.

Felle sitim magni regis satiavit amaro

pectus ut hauriret lancea fecit amor.

De me solus amor potuit perferre triumphum

ille pedes clavis fixit et ille manus.

Si cupis ergo animi mihi signa rependere grati

dilige pro tantis sat mihi solus amor

Tenor

Plangent eum quasi unigenitum

quia innocens Dominus occisus est