Jubilate Deo

1 Psalmus in confessione.

Jubilate Deo, omnis terra;

2 Servite Domino in lætitia. Introite in conspectu ejus in exsultatione.

3 Scitote quoniam Dominus ipse est Deus;

ipse fecit nos, et non ipsi nos:

populus ejus, et oves pascuæ ejus.

4 Introite portas ejus in confessione;

atria ejus in hymnis:

confitemini illi. Laudate nomen ejus,

5 quoniam suavis est Dominus, in æternum misericordia ejus,

et usque in generationem et generationem veritas ejus.