O Virgo prudentissima / Beata mater

O Virgo prudentissima

quam coelo missus Gabriel

supremi regis nuntius

plenam testatur gratia.

Te sponsam factor omnium,

te Matrem Dei Filius,

Te vocat habitaculum

suum beatus spiritus.

Tu stella maris diceris

quae nobis inter scopulos,

inter obscuros turbines

portum salutis indicas.

Per te de tetro carcere

antiqui patres exerunt;

Per te nobis astriferae

panduntur aulae limina.

Audi Virgo puerpera

et sola Mater integra;

Audi precantes quesimus

tuos Maria servulos.

Repelle mentis tenebras

disrumpe cordis glaciem.

Nos sub tuum praesidium

Confugientes protege.

Alleluia.

Tenor

Beata Mater et innupta Virgo,

gloriosa regina mundi,

intercede pro nobis ad Dominum.