Regretz sans fin

Regretz sans fin il me fault endurer,

Et en grant dueil mes doulans iours user,

Par ung rapport meschant dont fuz servie,

Mieulx me vouldroit de brief finer ma vie.

Qu'ainsi sans cesse telle douleur muer.

Tout plaisir doncqs ie veulx habandonner,

Plus nulx soulas ie ne requirs donner,

Puis-qu'il me fault souffrir par seule envie:

Regretz sans fin il me fault endurer,

Et en grant dueil mes doulans iours user,

Par ung rapport meschant dont fuz servie,

Mieulx me vouldroit de brief finer ma vie.

Qu'ainsi sans cesse telle douleur muer.