Domine, ne in furore

Domine ne in furore tuo arguas me:

eque in ira tua corripias me.

Miserere mei Domine quoniam infirmus sum:

sana me Domine quoniam conturbata sunt ossa mea.

Et anima mea turbata est valde: et tu Domine usquequo?

Convertere Domine eripe animam meam:

salvum me fac propter misericordiam tuam.

Quoniam non est in morte qui memor sit tui:

in inferno autem quis confitebitur tibi?

Laboravi in gemitu meo,

lavabo per singulas noctes lectum meum:

in lacrimis meis stratum meum rigabo.

Turbatus est a furore oculus meus:

inveteravi inter omnes inimicos meos.

Discedite a me omnes qui operamini iniquitatem:

quoniam exaudivit Dominus vocem fletus mei.

Exaudivit Dominus deprecationem meam Dominus orationem meam suscepit

Erubescant et conturbentur vehementer omnes inimici mei:

convertantur et erubescant valde velociter.