In di nekht, mayne nekht...

In di nekht, mayne nekht,

flekhtn ayn zikh khaloymes,

zise azoyne vi yunger vayn.

Ikh kholem es shitn zikh blitn-tehoymes,

zey dekn mikh tsu, zey hiln mikh ayn.

Vos zog ikh blitn?

Kushn, un heyse,

heyse azoyne vi royter vayn,

un tribe azoy vi di flaterlekh, vos veysn,

az zey muzn fargeyn mit dem zunikn shayn.

In di nekht, mayne nekht,

flekhtn ayn zikh khaloymes,

shvere azoyne vi mider zamd.

Dakht zikh es faln fun shtarbike beymer

bleter farvyanete glaykh in mayn hant.

Vos zog ikh bleter?

Hent, mide hent,

vos gletn vi zamdn, zikh kayklendik, koym dershpirt,

mide, vi flaterlekh, vos veysn s'iz end

nokh eyder a zunshtral hot zey barirt.

In di nekht, mayne nekht,

flekhtn ayn zikh khaloymes,

bloye azoy vi fun benkshaft di vey.

Dakht zikh es shitn zikh fun ale beymer

shneyelekh, frostike fliterlekh shney.

Vos zog ikh shneyelekh?

S'zenen dokh trern,

vos ikh hob fargosn in tsar, in delir.

Banem mayne trern, gelibter, muzst hern --

kh'hob oysgeveynt ale in benkshaft tsu dir.