J'ay vue les beaux yeux de Silvie

J'ay vue les beaux yeux de Silvie,

Et quand leurs doux regards me cousteroient la vie

Je ne m'en plaindrois pas:

La gloire est sans seconde

De voir l'arrest de mon trespas

Dedans les plus beaux yeux du monde.

Je veux qu'ils soient inexorables,

Les maux les plus cruels et les plus redoutables

Ont pour moy des appas:

La gloire est sans seconde

De conserver jusqu'au trespas

Le cœur le plus constant du monde.

Je veux que leurs traits adorables

Soient aux autres amants cruels et redoutables,

Ils seront doux pour moy:

La gloire est sans seconde

D'apprendre à conserver sa foy

Dedans les plus beaux yeux du monde.